Қазақстан Республикасы Президенті Іс басқармасының Медициналық орталығы Ұлттық госпиталінің нейрохирургия бөліміндегі мамандар тобы 2020 жылы «Kazneuro тамыр және интервенциялық нейрохирургия және неврология дәрігерлерінің қоғамы» қоғамдық бірлестігінің негізін қалады. Ұйымды құруға бастама жасаған және оған дем берген Мыңжылқы Сайлауұлы Бердиходжаев еді, ол қауымдастықты негізі қаланған сәттен бастап басқарып келеді. Kazneuro нейрохирургия, неврология және сабақтас медициналық пәндер саласында тәжірибе алмасу, білім мен ғылыми жетістіктер үшін халықаралық алаңға айналып, Қазақстан және шет елдер мамандарын біріктірді. Қоғамның негізгі мақсаттары медициналық көмектің сапасын арттыру, заманауи технологияларды енгізу және дәрігерлердің кәсіби өсуі үшін жағдайлар жасау болып табылады.
Негізі қаланғаннан бастап қауымдастық әлемнің әр түрлі бұрышынан жетекші сарапшыларды тартқан және кәсіби қоғамдастықта маңызды жайтқа айналған 9 халықаралық нейрокурс өткізді. Бұдан басқа қоғамның шешуші жетістіктерінің бірі «Заманауи хирургиядағы жоғары технологиялар» халықаралық ғылыми-практикалық форумын өткізгені болып табылады. Осы форум дәрігерлерді, ғалымдар мен медициналық индустрия өкілдерін қоса алғанда, 1500-ден астам қатысушыны біріктірді.
Бүгінгі күні Kazneuro Қазақстанда және халықаралық аренада заманауи медицинаның дамуына ықпал ететін жетекші кәсіби ұйым ретіндегі өз ұстанымдарын нығайта отырып, табысты дамуын жалғастыруда.